Føresetnaden for å få bruksrettsyting er at tiltaket tilfredsstiller eigedomens behov ved jordsbruksmessig drift, og er i samsvar med rasjonell bruk i høve det som er naturleg etter tid og tilhøve, jfr. Bygdealmenningslova § 2-2. Almenningsstyret har gjeve uttrykk for at det er det aktive jordbruket som skal prioriterast. Ved forvaltning av bruksretten og berekningen av eigedomens jordbruksmessige behov er det eigedommens eiga areal som er grunnlaget. Leigejord skal altså ikkje inkluderast.
Tiltaket det blir søkt ytingar om må altså stå i samsvar med eigedommens status og drift etter ei samla vurdering. Eigar av bruksberettiga jordbrukseigedom må i søknadsform beskrive og dokumentere eigedomens behov ved jordbruksmessig drift. Det vil bli gjort konkrete og individuelle vurderingar, og kvar enkelt søknad vil bli vurdert ut ifrå den jordbruksmessig drift som faktisk føregår, dyrka areal, busetjing, framtidsplaner for bruket, planar om tilflytting og evt. planar om gjenoppretting av jordbruksdrift. Oppramsinga er ikkje uttømande, og almenningsstyret kan be om eller innhente tilleggsinformasjon for å betre sitt vurderingsgrunnlag.
Meir informasjon og retningsliner for bruksrettsyting i Skjåk Almenning finn du her.