Ko te Wehenga Tuatahi o tētahi tukanga tono wehenga-rua - ko te hiahia noa o te wehenga tuatahi kia whakautua ētahi pātai iti, me te whakarāpopoto i te tikanga o tāu kaupapa/mahi, ko wai ngā kaiwhakauru, me te nui o te pūtea e rapu ana koe i te pūtea Tū Manawa.
Ka tuku kōrero whakahoki mātou mō ngā kōrero kua tukuna mai e koe (mēnā e hiahiatia ana), ā, me te tohu hoki o ētahi atu mahi hei whai māu i mua o te tuku i tētahi tono matua kia whai whakaarotia.
Ko te wehenga tuarua ko te tono e hiahiatia ana kia whai whakaarotia e tō mātou pae whiriwhiri, ā, ka tono i ētahi atu taipitopito mō tō kaupapa. E taea ana e koe te kōkiri tika ki te Wehenga Tuarua mēnā e manawanui ana koe ka tutuki i tō mahi, kaupapa rānei i ngā herenga o te pūtea me ngā hiahia o te RST e whakahaere ana i tērā.
Kia mōhio mai koe, ahakoa ka tautokona tō tono e te RST, e tūtohu ana rānei mātou kua rite tō Whakapuakitanga Hiahia kia kōkiri whakamua ki te tono matua, ehara tēnei i te kī taurangi o te whakaaetanga o tō tono - he nui rawa hoki ngā kaitono ki te pūtea, ā, he nui ngā take hei whakaaroaro mā mātou i te wā e aromatawai ana i ngā tono.