Deel gerus jou Godgegewe talente en gawes met jou geloofsfamilie, want spanwerk is altyd lekker werk!
Persoonlike inligting
*
Naam en van
Selnommer
E-pos
My vaardighede/gawes/talente:
My belangstellings is:
Ek wil graag betrokke raak by:
Musiekspan: Het jy 'n spesiale musiekgawe of 'n passie vir lofprysing en aanbidding? Ons verwelkom voorsangers, instrumentaliste en liedjieskrywers.
Klank en Beeld: Is jy tegnies aangelê met 'n goeie oor vir musiek en klank? Die span is verantwoordelik vir die opstel van mikrofone, monitors en instrumente tydens eredienste en spesiale funksies. Die span is ook verantwoordelik vir die opneem en uitsaai van die eredienste. Opleiding en bystand word voorsien.
Erediens A-Team: Is jy pligsgetrou en toegewyd? Word deel van die groep getroue vrywilligers wat diens lewer tydens die eredienste (mense verwelkom, kollekte opneem en nagmaal bedien).
Tee- en koffiespan: Is jy gasvry en viendelik? Bedien mense met tee en koffie na eredienste. Hierdie groep is nie net vir vroue nie, nee manne is mos ook bedienaars. Gasvryheid en saamkuier is vir ons belangrik - hierdie is dus 'n baie belangrike bediening!
Spyseniering: Geniet jy dit om kos te maak, te bak of selfs te braai en potjiekos te maak? Hierdie span maak lekker kos, bak pannekoek en bedien mense met hul gawes.
Kleingroep: Ons motiveer graag elke gemeentelid om betrokke te raak by 'n kleingroep. Hier lees ons die Bybel, bid saam en ondersteun mekaar op die lewensreis - skakel gerus in! Dalk wil jy jouself beskikbaar stel as kleingroepleier - kontak ons gerus. Klik hier om vir 'n kleingroep te registreer: https://www.kerkvirvandag.co.za/kleingroepe
Kleuterkerk (2 - 5 jaar): Het jy 'n passie om met kleuters te werk? Kleuterkerk vind tydens die erediens plaas en vrywilligers word versoek om ten minste een maal per maand diens te doen. Die kleuterkerk is 'n baie oulike bediening - kom speel en leer saam!
Junior Kategese (Graad R tot 6): Het jy passie en energie en is lief vir kinders? Raak dan betrokke as groepleier! Praktiese materiaal word aan jou verskaf en al die nodige ondersteuning en leiding word aangebied. Kinders is ons toekoms - kom raak betrokke by hierdie belangrike bediening.
Senior Kategese (Graad 7 tot 10): Is jy jonk van gees met 'n passie om tieners te bedien en te begelei? Raak dan betrokke as groepleier! Al die nodige materiaal word aan jou verskaf. Word deel van hierdie energieke span en help om ons jeug te vorm vir die toekoms.
Jong werkendes: Hierdie sosiale groep is gemik op mense wat tussen 20 en 34 jaar oud is. Kom kuier saam!
Social Tribe: Is jy tussen 35 en 54+ jaar jonk en geniet om sosiaal te verkeer en lekker saam te kuier? Kom kuier, eet, gesels en geniet die lewe.
SenGen (senior-generasie 55+): Hierdie groep is aktief en passievol oor die lewe en bied maandeliks sosiale aktiwiteite aan seniors. Alle aktiwiteite vind gedurende die dag plaas. As jy jonk van gees is, raak gerus betrokke!
Avontuurgroep: Geniet jy om te stap en tyd in die natuur te spandeer? Die avontuurgroep stap/klim een keer 'n maand op 'n Saterdagoggend saam.
Kreatief: Is jy kreatief en kunstig? Hierdie bediening is vir almal wat hul kreatiewe gawes binne die gemeente wil uitleef soos: videografie, mengkuns, grafiese ontwerk, dekor, skilder, verf, blommekuns ens. Kom knip, plak, versier en skep!
Ietz uit Nikz: Hierdie is 'n kreatiewe groep dames met 'n passie vir liefdadigheid. Hulle gee aan (geskenkte) gebruikte items 'n tweede kans. Items word op markte verkoop en die winste word onder andere vir liefdadigheidsprojekte aangewend. Die dames kom op Donderdagoggende byeen.
Skakelbord en admin ondersteuning: Is jy beskikbaar om die skakelbord te beman wanneer 'n personeellid met verlof is? Jou hulp word waardeer!
IT-ondersteuning: Is jy 'n kenner van harde- en/of sagteware? Kan jy ondersteuning aan die kerkkantoor bied? Raak gerus betrokke by hierdie dinamiese en kundige span!
Geboue en terreine: Is jy passievol oor die instandhouding van geboue en terreine? Ons benodig van tyd tot tyd nutsmanne wat die kerkkantoor kan bystaan met DIY-projekte (loodgieter, elektries). Is jy passievol oor plante en instandhouding van tuine? Kom deel gerus jou kennis met ons!
Besigheidbediening: Is jy 'n besigheidspersoon wat jou passievol is om jou besighieds gawes will gebruik om die koningkryk te bedien.
Ek gee hiermee toestemming om my inligting op die gemeente se vrywilligersdatabasis te stoor en my te kontak.
Submit
Should be Empty: