Feem Hauj Lwm Saib Xyuas Cov Tiaj Ua Si, Kev So Ua Si thiab Hav Zoov Hauv Nroog Sun Prairie thiab Pawg Thawj Saib Xyuas Cov Tiaj Ua Si, Kev So Ua Si thiab Hav Zoov ntseeg tias txhua tus neeg, tsis hais qhov xwm txheej twg, yuav tsum tuaj yeem koom nrog hauv cov cib fim kev txhawb nqa kev so ua si hauv Nroog.  Tsis tas li ntawd, peb kuj tseem ntseeg tias yuav txo tau cov teeb meem quas rau cov uas tab tom ntsib kev txom nyem fab nyiaj txiag tib si thiab.  Peb lub khoos kas pab cuam nyiaj txhawb nqa tau tsim los muab cov khoos kas pab cuam thiab cov kev pab cuam ntawm kev txo tus nqi.Peb cov txheej txheem rau kev thov tau raug hloov kho nrog lub hom phiaj los tsim qhov txheej txheem “yuav tsis tau nug cov lus nug” kom yooj yim, hloov kho kom tau zoo dua kom nkag mus tau rau lub khoos kas SPPRF.

Hais Txog Lub Khoos Kas:

• Tsuas yog cov neeg nyob hauv Lub Nroog Sun Prairie los sis cov tub ntxhais kawm ntawm Cheeb Tsam Tsev Kawm Ntawv Sun Prairie nkaus xwb thiaj li tsim nyog tau txais cov nyiaj txhawb nqa.
  
  
• Cov tsev neeg yuav tau txais nyiaj pab dawb $250 rau ib lub xyoos txhawm rau coj mus siv rau cov programs, cov dej num ub no, thiab cov koom txoos.Kev xauj tsev yog TSIS suav nkag rau hauv lub khoos kas nyiaj pab dawb.Cov npav hla qhov rooj raws caij nyoog mus rau lub Family Aquatic Center yuav muaj dhau los ntawm lwm lub khoos kas nyiaj pub dawb nyob rau Lub Peb Hlis Ntuj thiab yuav tsis suav nkag rau hauv Lub Khoos Kas Nyiaj Pub Dawb “Kev So Ua Si rau Txhua Leej Txhua Tus”.
  
  
• Tsuas yog ib tug neeg thov tauj ib tse neeg xwb (tag nrho cov npe uas teev rau hauv daim ntawv yuav tsum nyob rau tib qho chaw nyob).Cov tsev neeg yuav tsum tau rov thov dua txhua xyoo.
  
  
• Tsis tas yuav muaj cov ntaub ntawv thov los sis tau txais kev pom zoo rau cov nyiaj pab txhawb nqa.Txawm li cas los xij, Feem Hauj Lwm Saib Xyuas Cov Tiaj Ua Si, Kev So Ua Si thiab Hav Zoov Hauv Nroog Sun Prairie muaj cai thov cov ntaub ntawv tau txhua lub sij hawm rau cov hom phiaj kev tshuaj xyuas.Txhua qhov kev thov thiab cov ntaub ntawv yuav raug khaws cia tsis pub lwm tus paub.
   

Yuav Thov Li Cas/Thaum Twg Mam Pom Zoo:

• Ua kom tiav hauv online Lub Khoos Kas Txhawb Nqa “Kev So Ua Si rau Txhua Leej Txhua Tus” daim foos thov, https://tinyurl.com/spprfscholarship
  
  
• Muaj cov foos ua ntawv thov uas muab luam tawm lawm nyob rau ntawm Lub Chaw Hauj Lwm Saib Xyuas Cov Tiaj Ua Si, Kev So Ua Si thiab Hav Zoov ntawm 2598 W. Main Street.
  
  
• Cov neeg thov yuav tau txais kev ceeb toom los ntawm email (los sis tim ntsej tim muag los sis hauv xov tooj yog tias tsis muaj email) ntawm cov xwm txheej ntawm lawv daim ntawv thov nyob rau hauv ob hnub ua hauj lwm thaum Feem Hauj Lwm Saib Xyuas Cov Tiaj Ua Si, Kev So Ua Si thiab Hav Zoov tau txais nws lawm.
  
  
• Thaum tau txais kev pom zoo lawm, cov cuab yim neeg yuav tsum tau teev npe nkag rau cov khoos kas hauv online ntawm rec.cityofsunprairie.com, xa email mus rau rec@cityofsunprairie.com, fev mus rau ntawm (608) 825-0716, los sis los ntawm kev xa raws tsev xa ntawv/tus kheej mus kiag/muab tso rau lub thawv txais ntawv ntawm 2598 W. Main Street, Sun Prairie WI 53590.