Ba mhaith le Comhairle Cathrach na Gaillimhe agus ARUP, le tacaíocht ó Connect the Dots, cuireadh a thabhairt do gach duine i bpobal Chathair na Gaillimhe a dtuairimí a thabhairt maidir le conas is féidir páirceanna, coillearnacha agus tránna Chathair na Gaillimhe a fheabhsú.

Úsáidfear na torthaí chun Straitéis um Spáis Ghlas do Chathair na Gaillimhe a mhúnlú. Bainfidh an Chomhairle agus gach duine lena n-oibríonn siad úsáid as an straitéis seo chun cinntí a dhéanamh agus a mhúnlú maidir le clóis súgartha nua, páirceanna spóirt agus áiseanna eile a fhorbairt agus conas an dúlra a bhainistiú i bpáirceanna, coillearnacha agus tránna. De réir mar a fhorbraíonn Cathair na Gaillimhe, ní mór don Chomhairle a chinntiú go bhfuil an soláthar taitneamhachta do pháirceanna, áiseanna agus dúlra ag freastal ar riachtanais an phobail agus ag an am céanna ag cur leis an oidhreacht nádúrtha agus tógtha atá le tairiscint ag an gcathair.

Bígí linn ag ceann dár gceardlanna. Beidh 3 cinn san iomlán ar siúl ar fud Chathair na Gaillimhe. Deis a bheidh anseo do mhuintir na Gaillimhe aiseolas níos mionsonraithe a thabhairt ar a dtaithí pearsanta féin agus moltaí a thabhairt maidir le conas a d’fhéadfaí páirceanna, tránna agus coillearnacha na cathrach a fheabhsú nó cur leo (Tabhair faoi deara go mbeidh na 3 cheardlann mar a chéile ach athdhéanta chun solúbthacht a sholáthar - mar sin ní gá duit ach freastal ar sheisiún amháin!

Cláraigh thíos le haghaidh ceardlann in aice leat

 

Faigh tuilleadh eolais trí chuairt a thabhairt

www.galwaycity.ie/Green-Spaces-Strategy

Príobháideachas & Cosaint Sonraí:

Bailítear d’eolas chun aiseolas a thaifeadadh ar an gcomhairliúchán poiblí neamhreachtúil maidir le forbairt Straitéis um Spáis Ghlas na Gaillimhe, agus chun dul i dteagmháil leat maidir le d’aiseolas.

Is Comhairleoir Dearaidh é Arup a fheidhmíonn thar ceann Chomhairle Cathrach na Gaillimhe do sheachadadh Straitéis um Spásis Ghlas na Gaillimhe agus is gnólacht comhairliúcháin agus rannpháirtíochta poiblí é Connect the Dots a fheidhmíonn thar ceann Chomhairle Cathrach na Gaillimhe chun tabhairt faoin bpróiseas comhairliúcháin phoiblí don straitéis seo. Déanfaidh Arup agus Connect the Dots araon athbhreithniú ar do thuairimí mar chuid den phróiseas forbartha don straitéis. Ní fhoilseofar ná ní roinnfear do shonraí teagmhála agus ní choinneoidh ach soláthraí an ardáin suirbhéireachta  Arup agus Connect the Dots iad maidir le d’aighneacht agus an straitéis.

Coinneofar d’aighneacht go slán agus coimeádfar chun críocha cartlainne é.

 

Coimeádfar d’eolas teagmhála pearsanta go slán freisin agus coinneofar í ar feadh dhá bhliain.

 

Próiseálfar do shonraí ar aon dul le Beartas Príobháideachais Chomhairle Cathrach na Gaillimhe atá ar fáil ag https://www.galwaycity.ie/privacy-policy. 

Má tá aon cheist agat faoinár mbeartas príobháideachais nó faoin eolas atá againn fút, déan teagmháil linn le do thoil ar ríomhphost chuig dpo@galwaycity.ie nó scríobh chugainn ag an Oifigeach Cosanta Sonraí, Halla na Cathrach, Bóthar an Choláiste, Gaillimh.

 

 

Go raibh maith agat!