“Bakı Bulvarı”nın yaradılmasının 115 illiyinə həsr olunan “Bulvarın bir anı” adlı fotomüsabiqə
Müsabiqənin şərtləri
• Hər bir iştirakçı yalnız bir foto ilə müsabiqəyə qoşula bilər; • Yalnız müsabiqə keçirilən müddət ərzində (15 mart – 1 aprel) çəkilmiş fotolar müsabiqəyə qəbul edilir. Daha əvvəl çəkilmiş fotolar müsabiqəyə buraxılmır; • Fotolar üzərində heç bir fotoredaktə proqramları ilə əlavələr olunmamaq şərti ilə real rəng, kontrast və s. kimi alətlərdən istifadə olunması məqsədəuyğundur; • Təqdim olunan fotoların üzərində heç bir müəllif imzası və ya loqosu yerləşdirilməməlidir; • Mövzular: - Fotolarda Dənizkənarı Milli Parkın qeyri-adi rakurslardan görünüşü; - Milli Park ərazisində müşahidə edilən maraqlı təbiət və şəhər mənzərələri; - Bulvarın tarixi və müasir simvol və atributlarını əks etdirən görüntülər; - Bulvarda keçirilən müxtəlif tədbirlərdən maraqlı görüntülər; - Bulvar ərazisindəki flora nümunələrinin kadrları. • Müsabiqə iştirakçıları fotolarda əks olunmuş şəxslərin çəkilişi və daha sonra yayımlanması üçün razılığın alınması ilə bağlı məsul tərəfdir; • Fotolardan istifadə hüququ müəllif hüquqları qorunmaq şərti ilə Dənizkənarı Bulvar İdarəsinə məxsus olacaqdır. Müsabiqənin Mərhələləri Müsabiqə iki mərhələdə keçirilir: Birinci mərhələ martın 15-dən aprel ayının 1-dək olan dövrü əhatə edir. Bu mərhələdə müsabiqə iştirakçıları Bulvar ərazisində çəkdikləri fotoları özlərinin İnstagram səhifələrində “hər kəs üçün açıq” formada paylaşır. Daha sonra hər bir iştirakçı çəkdiyi fotonu müvafiq müraciət forması vasitəsilə müsabiqəyə təqdim edir. Fotoların son göndərilmə tarixi 1 apreldir. İkinci mərhələdə müsabiqə şərtlərinə uyğun gələn fotolar seçilir və müstəqil ekspertlərdən ibarət münsiflər heyəti tərəfindən qaliblər müəyyən edilir. Müsabiqə qaliblərinə mükafatlar: Peşəkar kateqoriya üzrə: • I yer – 1 500 AZN • II yer – 1 000 AZN • III yer – 500 AZN Müsabiqənin qalibləri 7 aprel 2024-cü il tarixində İdarənin rəsmi saytında (bulvar.gov.az) elan olunacaq. Əlavə məlumat üçün: Telefon: +994 (12) 404 95 96 8773
Should be Empty: