Te Tono Pūtea Tautoko o

He Oranga Poutama

He kaupapa a He Oranga Poutama e taunaki ana i te ora ō te Māori mā te āki i te hiahia me te whakawhanake i te kokenga whakamua i roto i ngā mahi e kaha whai ana i te mātauranga me te tikanga Māori.  E hiahia ana mātou ki te whakarite huarahi e whai wāhi mai ai ngā whānau ki te whakaora i te tinana, ki te ako pūkenga hōu, ki te tūhono anō hoki ki Te Ao Māori me te whakatakoto whāinga hōu i roto i ngā mahi e mahia ana e rātou.

Ko tā He Oranga Poutama, he hora i ngā tūmahi e kīa nei:

• Nā Te Māori – i whakahaerengia , i aratakingia, i kawea hoki e te Māori
• Mō Te Māori – i waihangatia mō te iwi, hapū, whānau Māori
• Hei Te Māori – he Māori te reo me ngā tikanga
• Mā Te Māori – E whai ana i ngā tikanga me ngā mahi tukuiho
• I NGĀ WĀ/WĀHI Ō Te Māori – tauira: marae, maunga, awa

Kōkiritia tahitia te kawenga o He Oranga Poutama i tō tatou rohe e Te Poari Hourua Pae Oranga Māori o Ruahine me Tararua (Te Pae Oranga), Te Tarahati o Sport Manawatū rātou ko Ihi Aotearoa – Sport New Zealand, ki te whakarite i tētehi huihuinga, i tētehi Kaupapa, i tētehi hōtaka ko tōna whāinga he whakaawe i ngā iwi, hapū, whānau Māori ki te whai i te mahi kori tinana.

Ka tūwhera te ara mō ngā tononga - 01/05/2024

Ka aukati te ara mō ngā tononga - 01/06/2024

 

 

 

Eligibility Criteria

- Ko ngā tono ka tirohia, ko ērā ka tae mai i te wā me te rā e tika ana.

- Ko ngā tono ka whakatutukingia katoatia i te ipurangi

- Ki te whakaaetia tō tono, ā, ka whai wāhi mai ko ngā Tamariki, ka tonoa i a koe he Kaupapa Here Manaaki Tamariki, e hāngai ana tēnei ki Te Ture Tamariki 2014. He kōrero whakamahuki ka kitea i konei Sport NZ Child Safeguarding Policies and Procedures.

- E tono mai ai koe me whai pānga rawa ki tētehi hinonga mana-ā-ture e mana ai te pupuru ki te pūtea tautoko e mau nei ō pūtea ki tētehi tahua i te kapinga ō te kirimana. Ki te kore tō hinonga, ka pataia koe kia whakaritea he hinonga, ki te kimi tautoko rānei i tētehi hinonga e whakaae ana ki te noho hei taumarutanga mō tō kaupapa.

- Ko ngā kaitono i te pūtea tautoko nei me tangata whenua, me kawe hoki i ō rātou Kaupapa ki tētehi/ētehi ō ngā whaitua ō tō tatou rohe kua tautapangia i raro nei(e kitea mai ana i te mahere kei raro:

• Te Papa-i-oea
• Te Rohe ō Manawatū
• Te Rohe ō Tararua
• Te Rohe ō Horowhenua
• Otaki

 

Ngā Hua

Ka tāea e te kaiwhiwhi i te pūtea tautoko nei te whakaahua ā kupu nei i tā tōna Kaupapa whakatinana i ngā momo hua e whai ake nei, arā ko te;

• mana ō te iwi, hapū, whānau Māori ki te whakatakoto i tōna huarahi ake ki te whakapiki i te oranga
• āta tautoko i ngā hua taurite ka whiwhi ki te Māori
• whakatupu kaiarahi Māori mō te āpōpō
• whakarite āheinga e whai wāhi ai te iwi, hapū me ngā whānau ki ngā mahi whakapakari tinana
• whakawhānui i ngā pūkenga kei ngā ratonga  ki te tautoko me te whakarite āheinga e whai wāhi ai te Māori ki ngā Kaupapa whakapakari tinana

Ngā arotake

Ka arotakengia ia tono pūtea tautoko i runga i ngā paearu e whai ake nei:

1. Ngā hua(kei runga ake ngā whakamāramatanga)

2. Ngā paearu whakahau kei te rauemi He Oranga Poutama e kīa ana ko ‘Te Whetū Rehua’ e kitea ai te hiranga ō;

• Te Reo me ōna tikanga
• Te Whanaungatanga
• Te Rangatiratanga
• Ngā Tāonga Tuku Iho
• Te Kaitiakitanga

3. Te tautoko i ngā whāinga o te iwi, hapū, whānau Māori

4. Te tautoko i ngā hōtaka e whakatūria ana, puta noa i te rohe

Tauāki Matatapu

E ū ana mātou ō Te Pae Oranga of Ruahine o Tararua tahi me Sport Manawatū ki te manaaki i te tapu o ō tātai kōrero matawhaiaro.

Ko tā te tauāki matatapu nei he whakaatu i te huarahi ka whāia e mātou i a mātou ka kohi, ka whakamahi, tiaki hoki i ngā tātai kōrero nāu i tuari mai ma roto mai i te puka tono pūtea nei.

Ngā Mana Ture Kei a Koe:

Te Tomo me te Panoni: Kei a koe te mana ki te tomo me te panoni i ngā tātai whaiaro kei a mātou e hāngai ana ki a koe. Mēnā koe e whakapono ana e hē ana ētehi ō ērā kōrero, e whāwhārua mai ana rānei, tēnā me whakapā mai ki a mātou kia whakatikahia.

Te Whakahoki me te Pupuru: Kei a koe te mana kia tono kia whakahokia ngā kōrero ki a koe, ā, kia kore ērā kōrero whaiaro e whakamahia ai e mātou. Heoi anō kia mārama mai koe, ka uaua te kōkiri whakamua i tō tono ki te pēnei koe.

Te Privacy Act 2020: Ko Te Privacy Act 2020 tērā e whakamahuki mai ana i te āhua o tā mātu kohikohi haere, mētā mātou tautiaki i ngā tātai kōrero whaiaro ā tēnā, ā tēnā, pēnei me ngā tātai kōrero whaiaro ka tuhia ki ngā tono, me ngā punaha e tika ai te tiaki i te mana ō ērā kōrero rā. Kei reira hoki ngā whakamahuki mō te roa ō tā mātou pupuru i ngā kōrero, te whakamahinga ō ērā kōrero me ngā kōrero ka whakaaetia te whakaputa. Kia kite ate whānuitanga ō ēnei whakamahuki mō te Privacy Act, tēnā tirohia te pae tukutuku nei: https://privacy.org.nz/your-rights/your-privacy-rights/

Te Official Information Act 1982: Ko Te Official Information Act 1982(OIA) tērā e whakamārama ana i tā Sport NZ whakahaere i ngā tono OIA ka riro ki ngā tāngata hāpori. Ko ngā tono pūtea ētehi o ngā momo tono ka whakaaetia te tono OIA. Ko te whakaaro tūmatanui ā Chief Ombudsman, me whakaae te whakapuaki i ngā tātai kōrero ōkawa, māna he take nui kia purutia.

Ko ngā kōrero whaiaro ka tuhia ki tō tono ka kore e whakaputangia tūmatawhānuitia.

Mēnā he ‘matatapu arumoni’ e hāngai ana ki ētehi ō ngā kōrero kua tuhia ki tō tono me mātua tohua tēnei i roto tō tono.

Tēnā, kia mōhio mai koe: nā runga i te mea he Hinonga Karauna a Sport NZ kei whakahuatia te ingoa ō tō hinonga me ngā momo pūtea kua whakawhiwhia ki a koe i runga i tō rātou paetukutuku hei whai atu i ā rātou tikanga e noho nei hei mōkai ki te Kāwanatanga.

Mena koe e kimi ana i ētehi whakamahukitanga mō te OIA, tēnā tirohia te paetukutuku nei.

https://www.ombudsman.parliament.nz/

Tirohia te aratohu Tono Pūtea ō He Oranga Poutama mēnā koe e hiahia ana te kite i te whānuitanga ō ngā kōrero e the ā ana ki tō mātou tauāki matatapu, ka kitea tēnei i te whārangi ipurangi ō Sport Manawatū.

 

Mena he pātai he āwangawanga rānei ōu e pā ana ki tā mātou Tauāki Matatapu, tā mātou manaaki rānei i ō tātai kōrero matawhaiaro, tēnā whakapā mai mā te imeera ki heorangapoutama@sportmanawatu.org.nz

 

Mā te tuku i te puka tono nei, e whakaae ana koe, kua pānuitia kua Mārama hoki koe ki te Tauāki Matatapu nei ā e tuku mai ana koe i te mana kia kohia, kia i hakamahia, kia whakaaturia hoki e mātou ō tātai kōrero hei tā te whakaaetanga e tohu nei.

 

Hei tāpiri ake ki ngā tātai kōrero kua tuhia ake ki runga, he kohinga kōrero anō ā mātou hei whai atu e ea ai te wāhi ki tō tono.

(1) E rua ngā reta taunaki i tō tono. Ko ngā reta taunaki nei he mea tuku mai pea e te momo pēnei i ngā Rangatira o roto i ngā hāpori, he Kaumātua nō ngā iwi, hapū ō te takiwā rānei. Tēnā koa tuhia mai ō rātou nama wāea, imeera hoki hei whakamana i tō rātou reta tautoko i tō tono. (kaore he kōwhiringa)

(2) He Mahere Pūtea e whakaatu ana i ngā nama e hāngai ana ki tō Kaupapa (kaore he kōwhiringa)

(3) He kōrero anō e whakapae ana koe ka tautoko i te kounga ō tō tono (kei a koe te tikanga)

Te Kaute - Tēnā whakakī mai i tēnei ripanga kaute. Whai muri i te whakaotinga, tēnā tukua mai mā te imeera ki heorangapoutama@sportmanawatu.org.nz kia whakatutuki ai te tono nei.

Tēnā koe kua whakatutuki nei i tō tono ki a He Oranga Poutama Initiative

Ka tae atu he imeera ki a koe e whakaū ana i te whiwhinga mai ō tō tono e mātou. Mena he kōrero hei tuku mai māu ka āta whakamāramatia i tērā imeera. He 4 wiki te roa ō te tukatuka mō te tono. Ko ngā takaroatanga ka āta whakamāramahia ki ngā kaitono hei te wā e āhei ana.

Tēnā kia mōhio mai koa, ka aukati te rauna tono hei te 01/06/2024 ā ka tukatukatia katoatia ngā tono hei te 30/06/2024. Mena he pātai āu e pā ana ki te whanaketanga o tō tono, me whakapā mai ki a Pareanna (He Oranga Poutama Kaiwhakahaere) mā te imeera ki heorangapoutama@sportmanawatu.org.nz