Bókaútgáfan Skrudda, í samvinnu við Samtök hernaðarandstæðinga, sendir síðar á þessu ári frá sér bókina Gengið til friðar. Þar er rakin saga herstöðvabaráttunnar um sex áratuga skeið.
Herstöðvamálið var stærsta pólitíska deiluefnið á Íslandi á seinni hluta tuttugustu aldar. Það gat af sér öflugar fjöldahreyfingar og ótal fjölmenn og minnisstæð mótmæli, þar á meðal Keflavíkurgöngur sem haldnar voru á árunum 1960 til 1991.
Í þessari efnismiklu og ríkulega myndskreyttu bók fjallar hópur höfunda um málið frá mörgum hliðum, þar sem einnig er fjallað um birtingarmyndir herstöðvabaráttunnar í bókmenntum, tónlist, myndlist og kvikmyndum svo dæmi séu tekin. Árni Hjartarson er ritstjóri verksins.
Hægt er að forpanta bókina hér á sérstöku tilboðsverði, 9.990 kr.