Reykjanesbær býður áhugasömum aðilum að taka þátt í að skapa sannkallaða jólastemningu í Aðventugarðinum. Í jólakofunum, sem eru ókeypis, er upplagt tækifæri til að selja ýmislegt skemmtilegt svo sem handverk, góðgæti eða annan varning. Tilvalið fyrir fyrirtæki, félög og einstaklinga. Kofarnir eru um 4-5 m2 að stærð og útbúnir með rafmagni og hita, ásamt einfaldri jólaskreytingu að utan. Söluaðilar eru sjálfir hvattir til að huga að fallegri og jólalegri framsetningu á söluvarningi. Jólakofarnir bjóðast endurgjaldslaust (ókeypis) en mikilvægt er að söluaðili mæti á úthlutuðum degi, sé með opið á umsömdum opnunartíma og skili kofanum í því ásigkomulagi sem tekið var við honum. Jólakofar verða opnir alla laugardaga og sunnudaga í desember og á Þorláksmessu. Heimilt er að sækja um fleiri en einn dag og eru umsækjendur þá beðnir um að forgangsraða umsóknardögum í umsókninni. Umsóknarfrestur er til og með 3. nóvember. Unnið verður úr umsóknum og umsækjendur látnir vita um úthlutun í síðasta lagi 15. nóvember. Val á söluaðilum: Verkefnisstjórn Aðventugarðsins hagar vali á umsóknum m.a. eftir fjölda umsókna, eftir vöruflokkum, algengi vöru í jólakofunum, starfsemi umsækjanda auk sérstakra aðstæðna annarra. Gengið er út frá að tveir söluaðilar verði í hverjum kofa. Söluaðili ber ábyrgð á því að uppfylla lög og reglur sem gilda um sölu þess varnings sem um er að ræða hverju sinni. Frekari upplýsingar eru veittar í síma 421-6700 og í gegnum netfangið adventugardur@reykjanesbaer.is