Cun gran plajëi ves comunicunse che i verdajogn dles musighes da dla Val Badia mët indô a jí l proiet dla Müjiga di Jogn a livel de valada.

Inviá é i mituns/les mitans de düta la Val Badia che sona n stromënt a flé o percusciuns da almanco 2 agn.

Le proiet á le fin da promöie le svilup musical di mituns y porchël ti daral la poscibilité da soné adöm te n grup cun compagns dla medema eté. A chësta manira se aüsi bele da jogn insö da s'ascuté sö l’un cun l'ater, da mëte averda al dirighënt y da contribuí individualmënter cun ligrëza y impëgn al bel garaté de n toch musical.

Chësc ann metará le proiet man cun le "Workshop” de dui dis, ai 30 de jügn y 1 de messé 2025 tla scora elementara a Al Plan.

Le workshop da soné metará man le lönesc ai 30/06 da doman y jará inant cina le mertesc 01/07 domisdé.
Tratan chisc 2 dis á i mituns y les mitans l’ocajiun da imparé ite i toc y da fá les prömes proes cun la Müjiga di Jogn. Naturalmënter gnaral fat deplü palses che gnará curides cun val’ jüch.
I mituns gnará insigná ite da maestri competënc por vigni strumënt, porchël gnarai ince partis sö alado.

Do chisc dui dis jará les proes inant tratan l'isté.

La direziun é en chësc ann tles mans de Melanie Rigo y les proes gnará fates dütes tl salf dles proes dla Müjiga da San Martin.

Dessot ciafese ince bele les proes pur chësc isté:

ISCRIZIUNS

L’organisaziun de chësc proiet se damana sambëgn ince tröpes spëises, che por la maiú pert sun bogn da curí cun contribuc da pert dla Cassa Raiffeisen, de nösc comuns, di consëis culturai y de nostes müjighes.
A chësta manira damanunse a os families n contribut de 80,00 € a möt/möta

Tl cajo che al foss fredesc/sorus che tol pert al proiet, gnissel araté 70,00 € pur le secundo/terzo möt/möta. 

Al é prëibel da fa n versamënt de 80,00 € a ćé söl nr. de cunt:

IT 20 E 08010 58181 000307018436

 

Causale: Iscriziun Müjiga di Jogn 2025 + Inom y cognom dl möt/dla möta

 

Les iscriziuns é davertes cina ai 15/05/2025.

I posc é limità!

 

Pur de plö informaziuns podes contaté l verdajogn de osc paîsc:

Calfosch-Corvara	Michael Pescollderung	392/8266988
La Ila	Aileen Gasser	346/0919112
Badia	Teresa Valentin	340/3941182
San Ciascian	Sophia Crazzolara	370/1384557
La Val	Daniele Pescollderungg	339/2947445
San Martin	Nadia Mischi	345/5920048
Rina	Silvia Pedevilla	324/0750838
La Plí	Sara Willeit	331/1793607
Al Plan	Paula Erlacher	342/9313244

                

PRIVACY
   
Le sotscrit é a öna che les informaziuns che al à dè jö vëgnes tratades aladô di articui 12, 13 y 14 dl regolamënt UE 679/2016 pur l’informativa reverdënta la proteziun de dac personai y l’autorisaziun da adorè fotografies o registraziuns audio por presentè publicamënter l’ativitè dla MDJ p. ej. Tla stampa, te internet y i.i.