Ի ԳԻՏՈՒԹՅՈՒՆ 2025-2026 ՈՒՍ. ՏԱՐՎԱ

ԲԱԿԱԼԱՎՐԻԱՏԻ ԱՌԱՋԻՆ ԿՈՒՐՍԻ ՈՒՍԱՆՈՂՆԵՐԻ

Հայ օգնության ֆոնդը (ՀՕՖ) «Ժիրայր Նիշանյան հիմնադրամի կրթավճար» ծրագրի շրջանակում Ճարտարապետության և շինարարության Հայաստանի ազգային համալսարանի և Գավառի պետական համալսարանի բակալավրի առկա ուսուցման առաջին կուրս ընդունված ուսանողների համար հայտարարում է կրթավճարի մրցույթ:

Մրցույթին կարող են մասնակցել այն ուսանողները, ովքեր 

ա) ընդունվել են Ճարտարապետության և շինարարության Հայաստանի ազգային  համալսարանի՝ ճարտարապետության, դիզայնի, և շինարարության ֆակուլտետներ,  

բ) ընդունվել են Գավառի պետական համալսարան (բացառությամբ իրավագիտություն մասնագիտության),

գ) ունեցել են բարձր առաջադիմություն դպրոցում, միասնական և ԲՈՒՀ-ի քննությունները  հանձնել են գերազանց կամ լավ գնահատականներով,  

դ) սոցիալապես անապահով ընտանիքներից են: 

«Ժիրայր Նիշանյան հիմնադրամի կրթավճար» ծրագրի մրցույթին մասնակցելու կարգը․  Շահառուների ընտրությունը տեղի է ունենալու 3 փուլով: 

1.Փաստաթղթերի հիման վրա կատարած ընտրություն 

2.Առաջին փուլն անցած ուսանողների տուն կատարած այցերի ամփոփում

3.Հարցազրույց`անհրաժեշտության դեպքում 

Դիմումի ընդունման վերջնաժամկետն է 2025թ. հուլիսի 15-ից օգոստոսի 8-ը։ Ծրագրում  ուսանողի ընդգրկման որոշումը կայացնելու է ՀՕՖ-ի կրթական ծրագրերի հանձնաժողովը  մինչև սեպտեմբերի 3-ը:  

Անհրաժեշտ փաստաթղթեր՝ 

• անձնագրի/ID քարտի պատճեն և 1 լուսանկար (3x4 սմ չափսի), 

• միջնակարգ կրթության վկայականի պատճեն, 

• ԲՈՒՀ ընդունվելու մասին ՀՀ ԿԳՄՍ նախարարության ԳԹԿ-ի կողմից հաստատված  ցուցակի պատճեն կամ ԲՈՒՀ-ի տեղեկանքը, 

• միասնական և բուհում հանձնած քննությունների գնահատականների մասին տեղեկանք,

• ընտանիքի անապահովության միավորի մասին տեղեկանք (առկայության դեպքում),

• տեղեկանք ծնողների աշխատավայրից նրանց պաշտոնի և աշխատավարձի չափի  վերաբերյալ, եթե չեն աշխատում` ծնողի կողմից գրված պարզաբանում ներկա  զբաղվածության կամ չաշխատելու պատճառի մասին, 

• հակիրճ ինքնակենսագրություն՝ նշելով, թե ինչու եք դիմել տվյալ ծրագրին: 

Fund for Armenian Relief

New York Office
630 Second Avenue
New York, NY 10016 USA
​Telephone: +1 212-889-5150
Fax: +1 212-889-4849

Yerevan Office
Khorenatsi Street 22
Yerevan, 0010 Armenia
Telephone: +374 (60) 52-66-60
Fax: +374 (10) 58-98-17

www.farusa.org