Ի ԳԻՈՒԹՅՈՒՆ 2025 - 2026 ՈՒՍ. ՏԱՐՎԱ 

ՄԱԳԻՍՏՐԱՏՈՒՐԱՅԻ ԱՌԱՋԻՆ ԿՈՒՐՍԻ ՈՒՍԱՆՈՂՆԵՐԻ

Հայ օգնության ֆոնդը (ՀՕՖ) «Արմինե եւ Կարապետ Զամբակ կրթավճար» ծրագրի շրջանակում Երեւանի պետական համալսարանի միջազգային հարաբերությունների, արեւելագիտության, սոցիոլոգիայի, քիմիայի (միայն սննդի անվտանգություն մասնագիտության), ՀՀ պետական կառավարման ակադեմիայի քաղաքագիտության, Վ. Բրյուսովի անվան պետական համալսարանի հանրային կառավարման ֆակուլտետների եւ ՀՀ ԳԱԱ գիտակրթական միջազգային կենտրոնի «Կենսաբազմազանության ուսումնասիրություն եւ պահպանություն» կրթական ծրագրով մագիստրատուրայի առկա բաժնի առաջին կուրսի ուսանողների համար հայտարարում է մրցույթ, որի արդյունքում հաղթողներին կհատկացվի կրթավճար: Հաղթողների ուսման վարձը (մասնակի կամ ամբողջությամբ) կվճարի ՀՕՖ-ը ամերիկահայ բարերարներ Արմինե եւ Կարապետ Զամբակների անվան հիմնադրամի կողմից հատկացրած միջոցներից:

Մրցույթին կարող են մասնակցել այն ուսանողները, ովքեր`
• ունեցել են բարձր առաջադիմություն բակալավրի ծրագրով սովորելու տարիներին, ում ՄՈԳ-ը բարձր է 14-ից
• ընդգրկված են հասարակական ու քաղաքացիական նախաձեռնություններում:

«Արմինե եւ Կարապետ Զամբակ կրթավճար» ծրագրի մրցույթին մասնակցելու կարգը.
Ընտրությունը տեղի է ունենալու 2 փուլով.
1. Փաստաթղթերի հիման վրա կատարած ընտրություն
2. Հարցազրույց

Դիմումների ընդունման վերջնաժամկետն է 2025թ. օգոստոսի 10-ից սեպտեմբերի 4-ը։ Սույն ծրագրում ուսանողի ընդգրկման վերջնական որոշումը կայացնելու է ՀՕՖ-ի կրթական ծրագրերի հանձնաժողովը մինչեւ 2025թ. սեպտեմբերի 10-ը, որից հետո ուսանողի եւ ՀՕՖ-ի միջեւ կկնքվի պայմանագիր:

Անհրաժեշտ փաստաթղթեր՝
• անձնագրի/ID քարտի պատճեն եւ 1 լուսանկար (3x4 սմ չափսի),

• ԲՈՒՀ-ի կողմից հաստատում մագիստրատուրայի հավակնորդ լինելու վերաբերյալ,

• բակալավրի աստիճանի դիպլոմի պատճեն ու դիպլոմի հավելվածի պատճեն,

• տեղեկանք ծնողների աշխատավայրից նրանց պաշտոնի եւ աշխատավարձի չափի վերաբերյալ, եթե չեն աշխատում` ծնողի կողմից գրված պարզաբանում ներկա զբաղվածության կամ չաշխատելու պատճառի մասին,

• հակիրճ կենսագրական՝ նպատակի հիմնավորումով

Fund for Armenian Relief

New York Office
630 Second Avenue
New York, NY 10016 USA
​Telephone: +1 212-889-5150
Fax: +1 212-889-4849

Yerevan Office
Khorenatsi Street 22
Yerevan, 0010 Armenia
Telephone: +374 (60) 52-66-60
Fax: +374 (10) 58-98-17

www.farusa.org