Algemene inligting
06:45 Toegang tot potjiekosarea
07:00 Toekenning van werksarea
08:00 Potte op die kole
09:15 Bekendstelling van spanne
11:00 Beoordeling van potte
13:00 Prysuitdeling
14:00 Alles opgeruim
Reëls en riglyne
- Geen inskrywingsgelde word gevra nie, aangesien u die inhoud van u pot skenk aan die Oesland Basaar vir die invordering van fondse.
- Maksimum van 4 spanlede.
- Nr 3-grootte pot of groter (verkieslik).
- Ten minste 15 bakkies potjiekos (met rys of ander bykos) moet gaan vir die fondse van die Oesland Basaar.
- Rys of ander bykosse mag vooraf voorberei word.
- U mag u bestanddele vooraf voorberei om te verseker dat u pot binne die aangewese tyd gereed sal wees.
- ‘n Staanplek vir u voertuig sal by u werksarea beskikbaar wees sodat u ‘n gesellige kuier- en werksarea vir u kan skep – geen strukture mag egter in die straat (pad) opgerig word nie.
- Ons voorsien hout en 500ml-verpakking (ronde bakkie met deksel).
- U is welkom om u eie verpakking te verskaf, indien meer prakties.
- Verder is u verantwoordelik vir u eie braaidrom, -gereedskap, bestanddele, kookgerei en ander benodigdhede.
- Die uitbeelding van u tema sal deur die beoordelaars beoordeel word.
- Die atmosfeer by u werksarea, asook die algehele voorkoms, speel ‘n rol by beoordeling.
- Wees kreatief in die opdien van u dis vir die beoordelaars.
- Die veiligheid van spanlede en alle besoekers moet te alle tye eerste gestel word.
- As gevolg van neut- en skulpvis-allergieë, moet u enige spore hiervan duidelik met die kopers kommunikeer en by u werksarea aandui.
Reëlings ten opsigte van verkope
- Kaartjies word by die Kuiertent verkoop teen R50 per 500ml bakkie.
- Bakkies word by die kuiertent aan kopers voorsien met potjiekos-kaartjie binne-in.
- Kopers stap na gekose span, oorhandig die bakkie om potjiekos in te skep en die span neem die kaartjie. Die potjiekos-span moet die potjiekos-kaartjie veilig bewaar as bewys van verkope.
- Om 12:45 moet die kaartjies ingehandig word om u finale punt te bepaal.