გმადლობთ, რომ მონაწილეობთ ჩვენს კვლევაში!
ეს კვლევა მიზნად ისახავს ახალგაზრდების საჭიროებების სიღრმისეულ და სისტემურ შეფასებას. გვსურს, გავიგოთ, რა ბარიერებს აწყდებიან ახალგაზრდები თვითრეალიზაციის გზაზე, რა ფაქტორები ახდენს გავლენას მათ განათლებაზე, დასაქმების შესაძლებლობებზე, ფინანსურ დამოუკიდებლობასა და პროფესიულ განვითარებაზე. კვლევაში თქვენი მონაწილეობით გვეხმარებით, შევქმნათ უფრო სამართლიანი, ინკლუზიური და მხარდამჭერი გარემო ახალგაზრდებისთვის.
გთხოვთ, გაითვალისწინოთ:
ამ კითხვარში არ არსებობს სწორი ან არასწორი პასუხები; გთხოვთ, უპასუხოთ გულწრფელად.
თქვენი პასუხები სრულად კონფიდენციალურია – კვლევისთვის საინტერესოა არა ის, თუ რა თქვა კონკრეტულმა რესპონდენტმა, არამედ ახალგაზრდების საჭიროებებისა და გამოწვევების საერთო სურათის დანახვა. შესაბამისად, თქვენგან მიღებული ინფორმაცია გამოყენებული იქნება მხოლოდ შეჯამებული ფორმით, ინდივიდუალური პასუხები არ გასაჯაროვდება. კვლევის შედეგები გამოყენებული იქნება მხოლოდ ახალგაზრდული პოლიტიკის სრულყოფისა და განვითარებისთვის, რათა ის უკეთ პასუხობდეს ახალგაზრდების რეალურ საჭიროებებსა და ინტერესებს. კვლევაში მონაწილეობა ნებაყოფლობითია.