Kōmā kau ana te puapua o Ngaru Tūātea i te ihu o taku waka unua i hahautia rā e te ringa raupā o tua. Ko tōna manawa ko te takere e tau nei te manawataki o te iwi o runga. Ko te ihomatua ko te kei e whakarongo ana ki te ia o te wai. I te ihu e moehewa ana ki tērā kei tua i te awe māpara, ko tā te kei he whakatau i te waka kei tikoki, he maumahara hoki ki te ara e tau anō ai ia ki tōna kāinga tūturu. He waka pēhea nei tēnei waka? He waka ānauanua tēnei waka. Ko wai te ingoa o tēnei waka? Koia pū, ko Te Arawa!

He karanga tēnei ki ngā uri o ngā rohe mai i Maketū, mā Rotorua, ki Tongariro rā anō kia uru ki Ngā Kura Reo o te waka o Te Arawa. He kaupapa nā Te Pae Motuhake, e tautokona ana e Te Mātāwai, i raro i ngā manaakitanga a Kōtihi Reo.

Ka toru ngā kura reo katoa o te tau nei, ka tū ki Te Takere, ki Te Kei, ā, ka kapi ki Te Ihu o tō tātou rohe.

1. Kura Reo 1 Paraire - Rātapu 20-22 o Maehe, 2026 ki Ōkataina (Hunga Matatau);

2. Kura Reo 2 Paraire - Rātapu 1-3 o Mei, 2026 ki Taupō (Hunga Tōwaenga - Matatau);

3. Kura Reo 3 Paraire - Rātapu 5-7 o Hune, 2026 ki Te Puke (Hunga Tōwaenga-Matatau).

Ka whakamōhiotia ngā wāhi e tū ai ngā kura reo ki te ihu me te kei hei te 1 o Pēpuere, 2026.

Ngā utu e uru ai te tangata ki ia kura reo, ki ia kura reo:

1. $150.00 te utu o te kura reo, o ngā puka ako me ngā kai;

2. $250.00 te utu o te kura reo, o ngā puka ako, o ngā kai me te wāhi noho.

Ko ngā rūma he mea takitahi rānei, takirua rānei, takitoru rānei, takiwhā rānei.

Ka mutu tō rēhita i konei, hai ākuanei whakapā atu ai tētahi o te tira hāpai mō te āhuatanga ki te utu.

Nā mātou iti nei, nā,

Kōtihi Reo Consultants me Te Kāhui Whakaako