Dende o Concello de Santiago de Compostela estamos a impulsar un espazo de participación no que poder dar voz ás nenas e nenos do noso municipìo. 

O obxectivo do mesmo é promover a igualdade de oportunidades, reforzar a cohesión social e a corresponsabilidade e incorporar a visión da infancia no deseño das políticas públicas. Este órgano será consultivo no que nenos e nenas acheguen as súas inquedanzas e a súa visión sobre os asuntos públicos. 

Para poder consolidar o espazo como un órgano efectivo precisamos desenvolver, previamente, un Grupo Impulsor co que poder definir o marco normativo do mesmo, establecer os seus obxectivos e funcións, así como concretar os mecanismos de participación e representación da infancia. Este Grupo Impulsor permitirá sentar as bases dun modelo estable, inclusivo e adaptado á realidade do municipio, garantindo que a creación do Espazo responda ás necesidades e intereses reais das nenas e nenos de Santiago de Compostela.

Para calquera tipo de dúbida podedes poñervos en contacto mediante o correo electrónico conselloinfancia@santiagodecompostela.gal ou a través do teléfono 604.047.337.