Tralegu unue la paĝon pri ekskursoj, la paĝon pri karavanoj kaj la paĝon pri kondiĉoj de ekskursoj kaj karavanoj antaŭ ol plenigi ĉi tiun mendilon.
Certigu ke vi jam aliĝis al IJK 2026 antaŭ ol mendi. Mendojn de nealiĝintoj oni ne traktas.
[Merkredo, 12/08, 14:00-00:00]
Travivu historian momenton kaj kontentigu vian internan nerdulon! Tre malofta plena suneklipso okazos dum IJK en Katalunio. Atentu, ke en la kongresejo, vera plena suneklipso ne videblos. Ne maltrafu ĝin!
[Vendredo, 14/08, 09:00-19:00]
Vizitu la Esperanto-Muzeon en la vilaĝo Subirats kaj interagu kun lokanoj en kulturaj eventoj proponataj de la vilaĝa registaro. Poste, vizitu la belan marbordan urbeton Sitges. Vi havos ankaŭ la ŝancon baniĝi.
Spertu la mondfaman ĉefurbon de Katalunio: Barcelonon! Esploru la vojojn per panorama bustrairo, poste promenu tra la urbocentro kaj vidi la nunan kaj aktivan Barcelonon, kaj ĝuu liberan tempon por plu urbumi!
Malantaŭ la beleco de Barcelono troviĝas ankaŭ riĉa historio de sociaj movadoj kaj internaciismo. Krome, ĉu vi konis la ligon inter Barcelono kaj Esperanto? Nepre aliĝu al tiu ĉi unika kaj interaga ekskurso gvidata de lokanoj kun rekta sperto.
[Lundo, 17/08, 09:00-21:00]
Trankviliĝu post tre okazoplena kongreso! Vizitu la apudan provincon, Ĝironon, mondfaman pro ĝiaj belaj marbordoj. Prenu boaton ĉe Tossa de Mar kaj poste ĝuu la tagon en la historia ĉefurbo, Ĝirono.
Rektaj busoj de la urbocentro de Barcelono ĝis Alberg La Conreria en Tiana. Ekiros la 9-an de aŭgusto. Elektu inter tri busoj. Maksimume po 50 lokoj.
Speciala rekta buso de Alberg La Conreria ĝis la flughaveno Barcelona-El Prat (BCN). Ekiros la 16-an de aŭgusto ekde 06:45 CEST. Maksimume 25 lokoj.
Rektaj busoj de Alberg La Conreria en Tiana ĝis la urbocentro de Barcelono. Ekiros la 16-an de aŭgusto. Elektu inter tri opcioj.
Vi mendis lokon en unu el la ekskursoj al Barcelono (TT2 aŭ TT3), tial vi ankaŭ havas la opcion partopreni en nedeviga grupa vizito al la Templo de la Sankta Familio (aŭ simple Sagrada Família), unu el la plej rekonataj simboloj de Barcelono kaj kataluna arkitekturo.
Atentu: Ĉiu ekskursano memzorgas pri aĉetado de siaj enirbiletoj. Bileto kostas 26,00€, sed ekzistas rabatoj por diversaj publikoj. Kontrolu, ĉu aplikiĝas al vi iu specifa rabato.
Klaku ĉi tie por aĉeti la bileton rete. Ĉi-momente ankoraŭ ne haveblas biletoj por aŭgusto 2026, sed ni informos vin tuj kiam ili aperos. Elektu la opcion aĉetante la bileton:
Gravas ke vi aĉetu vian bileton rete kiel eble plej frue, ĉar la biletoj por vizito al Sagrada Família elĉerpiĝas anticipe kelkajn semajnojn antaŭ la dato de la vizito.
Indiku ĉi-sube, ĉu vi interesiĝas partopreni en la vizito. Vi povas ŝanĝi vian decidon poste.