Application Form 2026

The Tradeitional Arts and Cultur Fund (TACF) is a fund devolvit fae Creative Scotland, leukit efter bi TRACS (Tradeitional Airts an Cultur Scotland), and is open tae indiveeduals and organisations.

The fund ettles tae forder tradeitional airtists an organisations tae mak, pit on, tour an shawcase wark, an professional skills an lairnin opportunities forby.

Applications fae eligible indiveeduals and organisations o atween £250.00 (min.) and £1,200.00 (max.) is socht. The deidline fur pittin in is midnicht on 1st September 2026.

Please mak shair ye hae a read o the TACF Guidelines afore ye ging forrit wi yer application.

Gin ye’re needin onie help or hae onie special requirements, please drap us a line on TACF@tracscotland.org 

Please gie us mair details o yer projeck, includin the minimum information ootlined ablow unner the twa separate heidins (Project Quality/Need, an Projeck Delivery), alang wi onie ither information ye think micht strenthen yer application.

1. Quality o / need fur the Projeck:

• For why ye wad like tae dae the projeck/wark
• Wha will be involvit in and/or benefit fae the projeck/wark
• Whaur an whan the projeck/wark will tak place

2. Delivery o described ootcomes an benefits:

• Whit ootcomes ye're ettlin tae achieve throu the projeck/wark
• Gin the projeck/wark will hae a legacy o some kind

Up til 150 wirds, tell us hou the projeck will uphaud guid practice or hou ye’ll lichten the effect o yer wark on the environs.

Repones tae this question winna be coontit in the assessment, but we still want fowk tae tell us their thochts aboot susteenable weys o wirkin.

Hae a keek at Creative Scotland's Environment page gin ye need onie mair guidance.

Please pit up tae three mischances that micht mean the projeck disna ging hou ye expect. We want tae ken this tae unnerstaun hou ye’v thocht aboot cairryin oot yer wark safely, an alang wi guid practice.

Include the follaein fur ilk mischance:

• Whit’s the mischance ye’v identified?
• Whit level o mischance div ye think it haes? (Heich, Middlin, Laich)
• Hou will ye control the mischance? Whit will ye dae?
• Efter controls is in place, dis the mischance level cheenge?

Leuk ower Creative Scotland's guidance on Managing Risk afore fillin oot the section ablow.

Please pit in a balanced budget:

1. Income haes tae match yer ootgangs
2. Gie details o aa match fundin, includin TACF funds expectit
3. Include evidence o 10% generatit income: note that this can include, alang wi direct sales (products or tickets), in-kind costs fur e.g. fees, materials, R&D time etc.

Hae a leuk ower the guidance fur exaimples o budgets. 

TRACS is committit tae uphaudin equality in aa its activities an we maun tak tent o thon as pairt o wir ain fundin. We maun gaither information on defined protectit characteristics in the Equality Act 2010, alang wi Scots an Gaelic language uiss an socio-economic status.

Please help us bi fillin oot the survey linkit ablow.  The information ye gie us - which isna personally kenable, winna be shared wi onie third pairty, and is leukit efter confidentially in keepin wi oor Data Privacy Notice - will be uised fur statistical reportin an tae help us mak oor services better - nocht else.

Fillin this form oot is up tae yersel, but yer answers help us impruive oor wey o daein an hou we rax oot tae fowk.  Tho aa questions needs a response (*), ilka question haes a 'Prefer not to answer' option. (At the meenit, the form is juist available in Inglis or Gaelic - Scots disna hae a routh o words fur EDI terms yet).

Traditional Arts and Culture Fund EDI Monitoring Form

Bi signin this application, ye agree that:

1. Efter readin the guidelines, ye're shair that:
- ye're eligible fur fundin
- yer application is in keepin wi the aims o the Tradeitional Airts an Cultur Fund
- ye'v read and agree tae bide bi the Terms an Conditions

2. Whaur neccessar, a memmer o TRACS or its appintit advisers micht contact ye fur mair information, tae help wi the decision makkin process.

3. Gin ye're succesfu in gettin a grant, ye maun gie us a short report on the fundit projeck, uisin the richt form (sent oot bi TRACS). Information an quotes fae thon micht appear in TRACS an Creative Scotland publications or as pairt o online case studies.

4. Gin ye're succcesfu in gettin a grant, ye will mak shair that the Tradeitional Airts an Cultur fund is mentioned in onie prent, publications, annual reports, press releases or ither materials as appropriate. Logos is available on oor wabsteid, or ye can get in touch wi marketing@tracscotland.org gin ye need a haund wi uisin thaim.

5. The information gien in yer application is correct tae the best o yer kennin, an ye will lat TRACS ken aboot onie cheenges tae yer projeck tae mak shair

6. Ye gie consent fur the information gien tae be kept haud o and uised bi TRACS tae allou it tae fulfil onie legal or contractual obligation, in keepin wi its Data Privacy Notice.

7. Onie insurance liabilities that micht come aboot fae the fundit activities bide the responsibility o the applicant. Ye are advised to mak shair ye hae appropriate cover an ye hereby indemnify TRACS an Creative Scotland agin onie claim arisin fae yer activities.

8. We micht ask ye tae gie some siller back gin:
- the projeck disna tak place within 6 month o the stert date gien in yer application
- the fundin isna uised as described or
- a report isna pit in within the timeframe advised wi yer award