O itinerio formativo en urbanismo e ordenación do territorio está formado polo Curso de Técnico Superior de Urbanismo, actualmente en desenvolvemento, e unha serie de cursos de 40h, que teñen a consideración de módulos optativos para os alumnos do Curso Superior e que á vez poden cursarse de maneira independente.
Este ano, convocarase un módulo sobre "Renovación urbana e rexeneración urbanística" e outro "Procedemento administrativo e contratación no ámbito do urbanismo". Ademáis, convocarase un terceiro, de temática todavía sen definir.
Co obxectivo de pechar a temática deste terceiro módulo e aliñalo na maior medida posible coas vosas preferencias, e, ademáis, poder estimar o interese pola vosa parte sobre cada unha das materias propostas, pedímosvos que, antes do próximo venres 26 de xuño, os que esteades interesados en cursar algún destes módulos nolo trasladedes a través deste formulario.
Formato, duración e datas
Tendo en conta as circunstancias actuais, os módulos desenvolveranse en soporte on line. Cada un deles ten unha duración de 40 horas, das que 32 corresponden aos seminarios web e 8 a outras actividades propostas a desenvolver a través da plataforma de formación.
Neste momento aínda non dispoñemos de datas pechadas, pero está previsto que se desenvolvan nos meses de outubro e novembro de 2020. A programación dos diferentes módulos farase de maneira que non sexan excluíntes entre eles, é dicir, que dita programación permita cursar más de un, se fose o caso.
Prezos
-
Colexiados COAG subscritos ao servizo de formación, empregados públicos e alumnos que teñan cursado o Curso Superior de Urbanismo noutras edicións: 100 euros.
-
Colexiados COAG: 120 euros.
-
Ordinaria: 180 euros.
Recoñecementos oficiais
Todos estes cursos conta coa homologación da Escola Galega de Administración Pública, e forman parte do itinerario formativo do Curso Superior de Técnico de Urbanismo.