Энэхүү тэтгэлэгт хөтөлбөрийг Зориг сан Микро Кредит ББСБ-тай хамтран Монгол улсын эрүүл мэндийн салбар, тэр дундаа салбарын чадварлаг боловсон хүчнийг бэлтгэхэд хувь нэмэр оруулах зорилгоор хэрэгжүүлэх гэж байна. Уг хөтөлбөрт УБ хотод байрлах эрүүл мэндийн салбарын сургуулиудад 3,2-с дээш голч дүнтэй суралцаж байгаа оюутнууд хамрагдах боломжтой.
ХӨТӨЛБӨРТ ХАМРАГДСАНААР:
- Сургалтын төлбөрийн тэтгэлэг авна
- Хичээлийн хажуугаар хувь хүний ур чадваруудыг нэмэгдүүлэх сургалтуудад үнэ төлбөргүй хамрагдана
ТАВИГДАХ ШААРДЛАГА:
- Нийгмийн болон эрүүл мэндийн салбарын хөгжил дэвшлийн төлөө өөрчлөлт авчирах чин хүсэл тэмүүлэл, эрмэлзэлтэй, манлайлагч оюутан байх
- Зорилгодоо тууштай, шаргуу хөдөлмөрч чадвартай оюутан байх
- УБ хотод байрлах АНАГААХ УХААН, ЭРҮҮЛ МЭНДИЙН ЧИГЛЭЛЭЭР мэргэжилтэн бэлтгэж буй их, дээд сургуулиудын үндсэн ангийн 2 ба түүнээс дээш дамжааны оюутан байх
- Нийт суралцсан хугацааны голч дүн 3,2 ба түүнээс дээш байх
ӨРГӨДӨЛ ХҮЛЭЭН АВАХ: Тавигдах шаардлагыг хангаж буй оюутнууд өргөдлийн маягтыг цахимаар бөглөж илгээх ба Зориг сангийн байранд биеэр ирэх шаардлагагүй болно. Хугацаа хэтэрсэн материалыг шалгаруулалтанд оролцуулахгүй.
Өргөдөл хүлээн авах сүүлийн хугацаа: 2026 ОНЫ 9 САРЫН 27-НЫ ӨДРИЙН 23:59 ЦАГ
Дэлгэрэнгүйг: 11-315444